PIN/PUK կոդերի վերականգնում
Վերականգեք Ձեր PIN/PUK կոդերը մեր սպասարկման գրասենյակներում
Եթե Դուք կորցրել եք SIM-քարտի PIN/PUK-կոդերը պարունակող ծրարը, Team Վաճառքի և սպասարկման կենտրոնների կամ Կոնտակտային կենտրոնի մասնագետները Ձեզ կօգնեն դրանք վերականգնել:
PIN/PUK-կոդերը կարող են վերականգնել կանխավճարային և հետվճարային համակարգի ֆիզիկական և իրավաբանական անձ հանդիսացող բաժանորդները։
Տեղեկատվության տրամադրումը իրականացվում է միայն բաժանորդի նույնականացման դեպքում։
Եթե բաժանորդն ֆիզիկական անձ է`
- Team Վաճառքի և սպասարկման կենտրոնում բաժանորդը ներկայացնում է անձը հաստատող փաստաթուղթ
- Կոնտակտային կենտրոն զանգելով՝ բաժանորդն անցնում է նույնականացում
Եթե բաժանորդն իրավաբանական անձ է`
- Տվյալ կազմակերպության լիազորված անձը ներկայացնում է անձը հաստատող փաստաթուղթ և ընկերության կողմից լիազորագիր, տնօրենի դեպքում՝ միայն անձը հաստատող փաստաթուղթ
- Լրացնում է հայտ PIN/PUK կոդերի վերականգնման համար
- Անվանում է ամենահաճախ հավաքվող նվազագույնը երեք հեռախոսահամար:
SIM-քարտի արգելաբացման համար PUK-կոդն անհրաժեշտ է այն դեպքում, եթե Դուք երեք անգամ սխալ եք մուտքագրել PIN-կոդը:
Որպեսզի արգելաբացվի PIN1-ը, հավաքեք`
**05* PUK1-կոդը * նոր PIN1-կոդը * կրկնեք նոր PIN1-կոդը #
Որպեսզի արգելաբացվի PIN2-ը, հավաքեք`
**052* PUK2-կոդը * նոր PIN2-կոդը * կրկնեք նոր PIN2-կոդը #
Ուշադրությու՛ն. արգելաբացման հրահանգը մուտքագրելիս` PUK-կոդը 10 անգամ սխալ մուտքագրելու դեպքում SIM-քարտը լրիվ կարգելափակվի: Այդ դեպքում Ձեզ անհրաժեշտ կլինի փոխարինել SIM-քարտը:
1PIN/PUK կոդերի տրամադրման պայմանների, ինչպես նաև ընթացակարգի տևողության և կարգի մասին մանրամասն տեղեկատվություն տրամադրվում է Team Վաճառքի և սպասարկման կենտրոնում: