Բաժանորդները, ովքեր պայմանագիր են կնքել առցանց ձևաչափով, հնարավորություն ունեն այն լուծելու նույն կարգով։

Պայմանագիրը լուծելու համար բաժանորդը պարտավոր է.

1. Ներբեռնել և լրացնել պայմանագրի լուծման դիմումի ձևը։
2. Տպել դիմումը, ստորագրել այն և սկանավորել։
3. Դիմումին կցել՝

• անձնագրի սկանավորված պատճեն (անձնական տվյալների և լուսանկարի էջը) կամ ID քարտի սկանավորված պատճեն (երկու կողմերից),
• բաժանորդի լուսանկար (սելֆի) անձնագրով կամ ID քարտով՝ անձի նույնականացման նպատակով,
• հայտի պատճենը համացանցում կանխավճարաին հեռախոսահամարը ձեռք բերելու My Team հավելվածի միջոցով (համապատասխան հայտի օրինակ՝ այստեղ)։

Նշում. Եթե դիմումը ստորագրված է Mobile ID էլեկտրոնային ստորագրությամբ, ապա անձնագրի կամ ID քարտի սկանավորված պատճենը, ինչպես նաև սելֆին փաստաթղթով, անհրաժեշտ չեն։

       4. Փաստաթղթերի ամբողջական փաթեթը պետք է ուղարկել հետևյալ էլեկտրոնային հասցեով պայմանագրի դադարեցում վերնագրով՝ online-termination@telecomarmenia.am

Օպերատորը, ուսումնասիրելով բաժանորդի պայմանագիրը լուծելու դիմումը և կից փաստաթղթերը, լուծում է պայմանագիրը դիմումում նշված օրվանից՝ գործող օրենսդրությամբ կամ պայմանագրի պայմաններով սահմանված մերժման հիմքերի բացակայության դեպքում։