Mobile ID-ն թույլ է տալիս բջջային սարքը օգտագործել էլեկտրոնային փաստաթղթերի և գործարքների նույնականացման ու ստորագրման համար։ Ծառայությունը հիմնված է օգտատիրոջ նույնականացման վրա՝ օգտագործելով նրա բջջային համարը և eSIM/SIM քարտի կամ հատուկ պաշտպանված տարրի մեջ պահվող կոդավորված բանալին։

Ծառայությունը հասանելի է ֆիզիկական անձանց: 

Քաղաքացիության տեսակ և պահանջվող փաստաթղթեր

ՀՀ քաղաքացի

• Վավեր նույնականացման քարտ (ID քարտ) կամ անձնագիր
• ՀՀ ՀԾՀ (ID քարտի առկայության դեպքում)

ՀՀ 070 ծածկագրով քաղաքացի

• 070-ի կողմից տրված անձնագիր
• ՀՀ ՀԾՀ
• Ժամանակավոր պաշտպանության վկայական

Օտարերկրյա քաղաքացի*

• ՀՀ ՀԾՀ (հանրային ծառայությունների համարանիշ)
• Անձնագիր
• Եվ հետևյալ փաստաթղթերից որևիցե մեկը՝
• Ժամանակավոր կամ մշտական կացության քարտ
• Հատուկ անձնագիր
• Բնակության օրինականությունը հավաստող տեղեկանք

*Օտարերկրացիների հաշվառման համակարգում նույնականացման վերաբերյալ համապատասխան նշում կատարելու համար օտարերկրյա քաղաքացիները պետք է մոտենան Վազգեն Սարգսյան 3 հասցեում գործող Հանրային ծառայությունների միասնական գրասենյակ՝ ներկայացնելով անհրաժեշտ փաստաթղթերը։

Էլեկտրոնային ստորագրությունը Ձեր անձնական ստորագրության թվային համարժեքն է, որն ապահովում է  փաստաթղթերի վավերականությունը։ Այն կիրառվում է պայմանագրերի, դիմումների և այլ կարևոր փաստաթղթերի ստորագրման համար՝ երաշխավորելով ապահովություն և հուսալիություն։

Mobile ID-ի միջոցով կարող եք՝
✔ Մուտք գործել առցանց բանկային և այլ թվային ծառայություններ
✔ Ստորագրել պայմանագրեր, համաձայնագրեր և այլ փաստաթղթեր
✔ Մուտք գործել պետական ծառայություններ և պորտալներ
✔ Մասնակցել էլեկտրոնային քվեարկություններին և այլ հեռավար գործընթացներին։

«Էլեկտրոնային կառավարման ենթակառուցվածքների ներդրման գրասենյակ»-ը («ԷԿԵՆԳ») թույլտվություն տրամադրող պետական կազմակերպություն է, որը կառավարում և աջակցում է հավաստագրերի շնորհմանը, թույլատրում է և էլեկտրոնային ստորագրության հավաստագրեր և էլեկտրոնային ստորագրությունից օգտվելու իրավունք է տալիս տարեկան վճարի դիմաց։ «ԷԿԵՆԳ»-ի մասին առավել մանրամասն տեղեկությունները ներկայացված են https://ekeng.am/ կայքում:

www.yesem.am պորտալը նույնականացման և էլեկտրոնային ստորագրության ապահով համակարգ է: Պորտալի մուտքանունը գրանցված և հաստատված բջջային հեռախոսահամարն է՝ հետևյալ ձևաչափով՝ 0xx xx xx xx: PIN- կոդը գեներացվում է Mobile ID/բջջային խիստ նույնականացման և/կամ թվային էլեկտրոնային ստորագրության ծառայություններին գրանցվելիս: Փաստաթղթերի ստորագրումը և ստուգումը հնարավոր է իրականացնել նաև www.yesem.am պորտալում: «Yes em» պորտալը հետևում է Mobile ID-ի միջոցով կատարված բոլոր գործողություններին և պահում է բոլոր գործողությունների մասին տեղեկությունները:

Այո, Mobile ID օգտագործելու համար պահանջվում է հատուկ eSIM/SIM քարտ։ Դուք կարող եք փոխարինել Ձեր քարտը Team-ի վաճառքի և սպասարկման կենտրոններում։

Եթե ունեք բոլոր անհրաժեշտ փաստաթղթերը, SIM քարտի փոխարինումը տևում է ընդամենը մի քանի րոպե։

Այո, ցանկացած պահի կարող եք անջատել ծառայությունը՝ դիմելով Team-ի վաճառքի և սպասարկման կենտրոն։

Դիմեք Team-ի վաճառքի և սպասարկման կենտրոն՝ SIM քարտը վերականգնելու և Mobile ID-ն վերագործարկելու համար։

❌ Ոչ մեկի հետ չկիսվեք Ձեր PIN կոդով
✔ Օգտագործեք բարդ և եզակի կոդեր՝ պաշտպանելու Ձեր տվյալները

Այո, Mobile ID-ն ապահովում է բարձր մակարդակի անվտանգություն՝ կիրառելով առաջադեմ գաղտնագրման տեխնոլոգիաներ և երկաստիճան նույնականացման մեխանիզմներ։

Այո, եթե Ձեր SIM քարտը միացված է ռոումինգին, կարող եք օգտագործել Mobile ID-ն արտերկրում։

Ոչ, Mobile ID-ն աշխատում է առանց հավելվածների։ Բոլոր գործառույթները ներդրված են SIM քարտում։

Դիմեք Team-ի վաճառքի և սպասարկման կենտրոն՝ PIN կոդի վերականգնման համար։

✔ Mobile ID ծառայության միացման և օգտագործման համար վճար չի գանձվում։
✔ eSIM/SIM քարտի փոխարինման արժեքը՝ 500 դրամ։

Mobile ID-ն կապվում է Ձեր eSIM/SIM քարտի հետ, ուստի այն կարելի է օգտագործել միայն այն սարքում, որտեղ տեղադրված է տվյալ քարտը։

Այո, կարող եք փոխել PIN կոդը Team-ի վաճառքի և սպասարկման կենտրոնում։

Ստուգեք բջջային ցանցի հասանելիությունը կամ կապվեք Ձեր օպերատորի աջակցության կենտրոն՝ խնդիրը լուծելու համար։

Հեռախոսահամարը փոխելու դեպքում գործող Mobile ID-ն դադարում է աշխատել, և անհրաժեշտ է մոտենալ Team-ի ցանկացած վաճառքի և սպասարկման կենտրոն ծառայությունը վերաակտիվացնելու համար։

Mobile ID-ով eSIM քարտը հնարավոր է օգտագործել միայն 1 անգամ. օրինակ, եթե ներբեռնված պրոֆիլը ջնջվել է սմարթֆոնից, և բաժանորդը ցանկանում է վերականգնել այն, դա հնարավոր չէ իրականացնել: Անհրաժեշտ է մոտենալ ցանկացած Team գրասենյակ և փոխարինել eSIM-ը։

Տեխնիկական սահմանափակումների պատճառով Mobile ID ծառայությունը eSIM-ով հասանելի չէ iPhone 11 և ավելի հին մոդելների համար։ Այդ սարքերի համար հասանելի է uSIM քարտ։