1. Տերմիններ սահմանումներ

   1.1. Օպերատոր՝ «Team Telecom Armenia» ապրանքային նշանի ներքո հանդես եկող «ՏԵԼԵԿՈՄ ԱՐՄԵՆԻԱ» ԲԲԸ՝ ՀՀ հանրային ծառայությունները կարգավորող հանձնաժողովի և Հեռուստատեսության և ռադիոյի հանձնաժողովի կողմից տրամադրված լիցենզիաների և թույլտվությունների հիման վրա ՀՀ-ում հանրային էլեկտրոնային հաղորդակցության, հեռուստատեսային և այլ ծառայություններ մատուցող ընկերություն։

   1.2 Օգտագործող կամ բաժանորդ («My Team» բջջային հավելվածի օգտագործող)՝ ֆիզիկական անձ, որը կնքել է Բաժանորդային պայմանագիրը Օպերատորի հետ կամ ներբեռնելով «My Team» բջջային հավելվածն ակցեպտավորել է Օպերատորի Հրապարակային օֆերտան։ Բաժանորդը միանշանակորեն նույնականացվում է ըստ բաժանորդային համարի:

   1.3. Հավելված՝ «My Team» բջջային հավելված, որը ներբեռնվում է բաժանորդի սարքի մեջ և թույլ է տալիս Բաժանորդին կառավարել Օպերատորի ծառայությունները: 

   1.4. Օպերատորի Վեբ-կայք՝ http://www.telecomarmenia.am:

   1.5. Օպերատորի հրապարակային օֆերտա՝ «ՏԵԼԵԿՈՄ ԱՐՄԵՆԻԱ» ԲԲԸ կողմից ֆիզիկական և իրավաբանական անձանց հանրային էլեկտրոնային հաղորդակցության և այլ ծառայությունների մատուցման ընդհանուր դրույթներն ու պայմանները և հանդիսանում են Ծառայությունների մատուցման պայմանագիր կնքելու հրապարակային առաջարկ, որը զետեղված է Օպերատորի վեր-կայքում:

   1.6. Գաղտնիության քաղաքականության՝ Գաղտնիության քաղաքականություն: Անձնական տվյալների մշակման ծանուցում/ անձնական տվյալների պաշտպանության քաղաքականություն:

2. Ընդհանուր դրույթներ

   2.1. Սույն Պայմանների համաձայն, այն բաժանորդներին, որոնք Օպերատորի հետ Բաժանորդային պայմանագիր են կնքել և ներբեռնել են Հավելվածն իրենց սարքի մեջ, Օպերատորն առաջարկում է ընդունել «My Team» Հավելվածի տրամադրման սույն Պայմանները (այսուհետ՝ Պայմաններ):

   2.2. Հավելվածի առաջին գործարկումից առաջ Օգտագործողը/Բաժանորդը պետք է ծանոթանա և համաձայնվի Հավելվածի հետ աշխատելու վերաբերյալ սույն Պայմաններին:

   2.3. Գործարկելով Հավելվածը՝ համարվում է, որ Օգտագործողը Բաժանորդը ամբողջությամբ և անվերապահորեն ընդունել է սույն Պայմանները, Գաղտնիության քաղաքականություն և Օպերատորի հրապարակային օֆերտա:

3. Օգտագործման պայմանները

  3.1. Վճարում Սույն Հավելվածը, այն դեպքում եթե այն ներբեռնված է և գործարկված, թույլ է տալիս Բաժանորդին՝

    3.1.1. Միացնել/անջատել և օգտագործել Օպերատորի ծառայությունները:

    3.1.2. Հավելվածից միացված Օպերատորի ծառայությունների դիմաց Բաժանորդը վճարելու է սեփական համարի հաշվեկշռից:

   3.2. Սույն Պայմանների 3.1. կետում նշված ծառայություններից օգտվելու պայմանները, դրանց տարիֆիկացման արժեքն ու պայմանները նշվում են Օպերատորի Կայքում: Պատվիրելով տվյալ ծառայությունները՝ համարվում է, որ Բաժանորդը ծանոթացել և համաձայնվել է դրանց օգտագործման պայմաններին, դրանց տարիֆիկացման արժեքին և կարգին:

   3.3. Բաժանորդը պարտավորվում է իր վրա վերցնել ողջ պատասխանատվությունը բոլոր դիմումների և գործողությունների համար՝ ձեռնարկված նրա կողմից Հավելվածի միջոցով, որոնք տեղի են ունեցել Հավելվածի գործարկումից հետո:

   3.4. «My Team» հավելվածի GPRS տրաֆիկը Օպերատորի կանխավճարային հաշվարկային համակարգի բաժանորդների համար չի տարիֆիկացվում:

   3.5. Բաժանորդն իրավունք ունի հրաժարվել Հավելվածն օգտագործելուց այն եղանակներով, որոնք նախատեսված են դրա անջատման համար:

   3.6. Օպերատորն իրավունք ունի որոշելու Հավելվածի ծառայությունների կազմը, դրա կառուցվածքը և արտաքին տեսքը, ինչպես նաև փոփոխություններ կատարել Հավելվածում՝ նոր արտադրանքներ և ծառայություններ ներդնելու շնորհիվ, տրամադրել հասանելիություն նոր ծառայություններին, առանց Բաժանորդի նախնական ծանուցման:

   3.7. Օպերատորը իրավունք ունի տեղեկացնել բաժանորդին իր էլեկտրոնային փոստի միջոցով նոր սակագնային պլանների, խթանումների, եւ այլնի մասին: Բաժանորդը կարող է բաժանորդագրվել/հրաժարվել օպերատորների կողմից ուղարկված ծանուցումներից` կատարելով համապատասխան փոփոխություններ հավելվածի պայմաններում:

   3.8. Բաժանորդը սույնով տալիս է իր համաձայնությունը Օպերատորին Բաժանորդի կողմից տրամադրած էլեկտրոնային հասցեին տարբեր նախաձեռնությունների մասին տեղեկատվություններ ուղարկելու համար: Միաժամանակ Բաժանորդն իրավունք ունի ցանկացած ժամանակ հրաժարվելու իր էլեկտրոնային հասցեին հաղորդագրությունների ստանալուց՝ դիմելով օպերատորին:

4. Սահմանափակումներ և պատասխանատվություն

  4.1. Հավելվածը չի տրամադրվում USB-մոդեմների վրա այն օգտագործելու համար:

  4.2. Բաժանորդը պարտավորվում է չօգտագործել Հավելվածն այնպիսի գործողություններ կատարելու համար, որոնք հակասում են Հայաստանի Հանրապետության գործող օրենսդրությանը:

  4.3. Բաժանորդը պարտավորվում է այնպիսի միջոցներ ձեռնարկել իր սարքավորումը կարգաբերելու համար, որը կբացառի Հավելվածի անբարեխիղճ օգտագործումը երրորդ անձանց կողմից, ինչպես նաև, օպերատիվ կերպով արձագանքել նման օգտագործման դեպքերը բացահայտելիս:

  4.4. Օպերատորը պատասխանատվություն չի կրում և չի հատուցում այն վնասները, որոնք առաջացել են երրորդ անձանց կողմից Հավելվածի առանց թույլտվության օգտագործման պատճառով:

  4.5. Բաժանորդը պատասխանատվություն է կրում երրորդ անձանց գործողությունների համար, որոնք օգտագործում են բաժանորդային համարը Հավելվածից օգտվելու համար:

  4.6. Ոչ մի դեպքում Օպերատորը պատասխանատվություն չի կրում ուղղակի կամ անուղղակի վնասի համար, որը պատճառվել է Բաժանորդին Հավելվածի օգտագործման կամ օգտագործման անհնարինության հետևանքով և կրած սխալների, բացթողումների, աշխատանքում ընդմիջումների, գործառույթների փոփոխման, խոտանների, աշխատանքում ձգձգումների արդյունքում, որոնք տեղի են ունեցել ոչ Օպերատորի մեղքով:

  4.7. Հավելվածի գործառույթները ամբողջապես հասանելի են Բաժանորդին միայն Բաժանորդի մոտ ինտերնետ ցանցին մուտքի առկայության դեպքում՝: 

5. Այլ պայմաններ

  5.1. Բաժանորդի կողմից այն գործողությունները, որոնք պայմանվորում են սույն Պայմաններով Հավելվածի օգտագործումը, դիտարկվում է իբրև սույն Պայմանների և դրանց մեջ պարունակվող սահմանափակումների հետ Բաժանորդի միանգամայն և անվերապահ համաձայնություն:

  5.2. Մնացած այլ դեպքերում, որոնք ուղղակիորեն նախատեսված չեն սույն Կանոններով, Բաժանորդն ու Օպերատորն առաջնորդվում են Բաժանորդային պայմանագրով: