«Shake» Գովազդային վիճակախաղի կանոններ

Հայտարարություն

2022թ․ նոյեմբերի 21-ի ժ․ 10:00-ից ուժի մեջ է մտնելու «Shake» Գովազդային վիճակախաղի կանոնների փոփոխված պայմանները։ 

Հայտարարություն

2022թ․ հոկտեմբերի 4-ի ժ․ 10:00-ից մինչև 2022թ. դեկտեմբերի 31-ի 23:59 ներառյալ կիրառվելու են «Shake» Գովազդային վիճակախաղի կանոնների փոփոխված պայմանները։ 

Սույնով ներկայացվում է «Shake» Գովազդային վիճակախաղի կանոնների նոր խմբագրությունը․

1. Նախաձեռնության անվանումը
«Տելեկոմ Արմենիա» ՓԲԸ-ն (այսուհետ` «Կազմակերպիչ») My Team AM հավելվածի առաջխաղացման նպատակով  անցկացնում է գովազդային վիճակախաղ, որի շրջանակներում «Տելեկոմ Արմենիա» ՓԲԸ-ի բջջային կապի ֆիզիկական անձ հանդիսացող բաժանորդները, ինչպես նաև ՀՀ բոլոր օպերատորների բջջային կապի ֆիզիկական անձ հանդիսացող բաժանորդները, որոնք հանդիսանում են  My Team AM հավելվածի օգտատերեր ՝ կատարելով սույն Կանոնների պայմանները, հնարավորություն են ստանում շահել մրցանակ: Նախաձեռնության խթանումը կոչվում է «Shake» գովազդային վիճակախաղ, այսուհետև՝ գովազդային վիճակախաղ կամ խաղարկություն։

2. Գովազդային վիճակախաղի անցկացման ձևը և դրա անցկացման տարածքը
 
2.1. Գովազդային վիճակախաղի մասնակցության հնարավորություն են ստանում ՀՀ տարածքում բնակվող՝ ««Տելեկոմ     Արմենիա» ՓԲԸ-ի բջջային կապի ֆիզիկական անձ հանդիսացող բաժանորդները, ինչպես նաև ՀՀ բոլոր օպերատորների բջջային կապի ֆիզիկական անձ հանդիսացող բաժանորդները, որոնք հանդիսանում են  My Team AM հավելվածի օգտատերեր որոնք 2022թ. հոկտեմբերի 4-ի 10:00-ից մինչև 2022թ. դեկտեմբերի  31-ի 23:59 ներառյալ կկատարեն հետևյալ պայմանները (այսուհետ՝ գովազդային վիճակախաղին մասնակցնելու պայմաններ կամ Կանոնների պայմանները)՝
  2.1.1. Պետք է հանդիսանան My Team AM հավելվածի գրանցված օգտատեր։
  2.1.2. Հավելվածի Shake բաժնում ծանոթացած լինեն և ընդունեն սույն պայմանները:
  2.1.3. Գովազդային վիճակախաղին մասնակցելու համար օգտատերը, մուտք գործելով հավելվածի Shake բաժին, պետք է թափահարի հեռախոսը մինչև 5 վայրկյան ժամանակահատվածով (Կարևոր է իմանալ. Եթե օգտատերը արդեն կատարել է մեկ թափահարում օրվա ընթացքում, կարող է կրկնել գործողությունը միայն հաջորդող օրը, բացառությամբ՝ հավելյալ ծառայության ակտիվացման դեպքում, որը համապատասխան պայմաններով տրամադրում է 1 ԳԲ ինտերնետ և ևս 1 անգամ գովազդայինի վիճակախաղին մասնակցության հնարավորություն մինչև ակտիվացման օրվա ավարտը: Այնուհետև, թափահարելուց հետո հեռախոսի էկրանին տեքստային տարբերակով կստանա ստացված զեղճերի, նվերի, կամ նվերների մասին ծանուցում: Գովազդային վիճակախաղի անցկացման ժամանակահատվածում, բոլոր գովազդային վիճակախաղի մասնակիցները օրը մեկ անգամ, բացառությամբ՝ հավելյալ ծառայության ակտիվացման դեպքում, որը համապատասխան պայմաններով տրամադրում է 1 ԳԲ ինտերնետ և ևս 1 անգամ գովազդայինի վիճակախաղին մասնակցության հնարավորություն օրվա ընթացքում, հնարավորություն են ստանում մասնակցել գովազդայինի վիճակախաղի և շահել մեկ կամ 2 նվեր: Այլ օպերատորների բաժանորդները շեյք ակցիայի շրջանակում եթե շահեն ՄԲ կամ Բոնուս միավոր, բոլոր միավորները կուտակվելու են: Մինչև ակցիայի ավարտը իրենց համարով Team բաժանորդ դառնալու դեպքում կարող են ակտիվացնել բոլոր կուտակված ՄԲ-երը 3 օր ժամկետով և Բոնուս միավորները, և օգտագործել այն մինչև 98 % զեղչով յուրաքանչյուր շահած ՄԲ ծավալի դիմած։
 
2.1.4.  Գովազդային վիճակախաղի շրջանակներում online shop-ի միջոցով Team բաժանորդ դառնալու դեպքում BeFree ՍՓ-ներից յուրաքանչյուրին միանալիս բաժանորդին կտրամադրվի BeFree ՍՓ միանալու պահից 50% զեղչ 1 ամսով, BeFree 4900 և BeFree 7900 դեպքում ՝ անվճար 1 ամսով: Եթե բաժանորդը ցանկանա միանալ հետվճարային տարբերակին զեղչը տրվելու է օրերի քանակով։ ։ (BeFree ՍՓ միանալու Վերջին հայտը կարելի է ընդունել մինչև դեկտեմբերի 31, մնացած գործընթացները մինչև 3 աշխատանքային օրում կարաելի է իրականացնել)
 2.2. Զուգահեռ գործելու է ծառայություն, որը համապատասխան պայմաններով (100 դրամի դիմաց) տրամադրում է 1 ԳԲ ինտերնետ և ևս 1 անգամ գովազդայինի վիճակախաղին մասնակցության հնարավորություն օրվա ընթացքում։ Ինտերնետ MB-ները տրամադրվում է ակտիվացման օրվանից 3 օր ժամկետով: Գովազդային վիճակախաղում մասնակցելու ընթացքում կարող է ծախսվել սույն կետում նշված 1ԳԲ տրամադրված կամ գործող սակագնային փաթեթի ինտերնետ ծավալներից:
 2.3. Գովազդային վիճակախաղին մասնակցել կարելի է միայն My Team AM հավելվածին հասանելի Android և iOS օպերացիոն համակարգերով աշխատող սմարթֆոնների միջոցով:
  2.3.1. Յուրաքանչյուր օր՝ ժամը 00:00:00 համակարգը թարմացվում է և մասնակիցը ստանում է հնարավորություն մասնակցել այդ օրվա խաղարկության փուլին:
  2.3.2. Բոլոր մասնակիցները, յուրաքանչյուր անգամ մասնակցելով գովազդային վիճակախաղում ստանում են սահմանված նվերների ցանկից որևէ մեկը կամ երկուսը:

ՈւՇԱԴՐՈւԹՅՈւՆ. Մասնակիցների կողմից խարդախությունների դեպքերի բացահայտման դեպքում Կազմակերպիչն իրեն իրավունք է վերապահում այդպիսի մասնակիցների նկատմամբ իրականացնել համապատասխան միջոցներ, այդ թվում նաև՝  զրկել նրանց գովազդային վիճակախաղին հետագա մասնակցելու իրավունքից:

3. Գովազդային վիճակախաղի Կազմակերպչի անվանումը
«Տելեկոմ Արմենիա» ՓԲԸ, Ազատության 24/1 փ., 0014 Երևան, Հայաստանի Հանրապետություն:
4. Գովազդային վիճակախաղի անցկացման ժամկետը
 
4.1. Գովազդային վիճակախաղը կանցկացվի Հայաստանի Հանրապետության ողջ տարածքով մեկ` 2022թ. հոկտեմբերի 4-ի 10:00-ից մինչև 2022թ. դեկտեմբերի 31-ի 23:59 ներառյալ: Դեկտեմբերի 31-ին ժամը 00:00:00-ին Գովազդային վիճակախաղն ավարտվում է ։
 4.2. Մրցանակները ընտրվում է էլեկտրոնային համակարգի կողմից՝ պատահականության սկզբունքով։
5. Գովազդային վիճակախաղի մասնակիցների իրավունքներն ու պարտականությունները
 5.1. Գովազդային վիճակախաղի մասնակից կարող են դառնալ ֆիզիկական անձինք, որոնք կատարել են սույն Կանոնների պայմանները:
 5.2. Գովազդային վիճակախաղին չեն կարող մասնակցել հետևյալ անձինք` 
  5.2.1. «Տելեկոմ Արմենիա» ՓԲԸ աշխատակիցները, աշխատակիցների ընտանիքների անդամները և Գովազդային վիճակախաղը կազմակերպող և իրականացնող բոլոր անձինք
  5.2.2. Իրավաբանական անձինք
  5.2.3. 18 տարին չլրացած անձինք
  5.2.4. Գովազդային վիճակախաղում դրա անցկացման ժամանակ չմասնակցած կամ սույն Կանոններով սահմանված պայմանները չկատարած անձինք:
 5.3. Գովազդային վիճակախաղի գործողության ողջ ժամկետի ընթացքում Գովազդային վիճակախաղի մասնակիցները պարտավոր են հետևել Գովազդային վիճակախաղին մասնակցելու կանոններին, ինչպես նաև կատարել բոլոր գործողությունները` կապված մրցանակների տրամադրման և ստացման հետ:
 5.4. Գովազդային վիճակախաղի մասնակիցների համար Գովազդային վիճակախաղի Կանոնների մասին ամբողջ տեղեկատվությունը հրապարակված է telecomarmenia.am վեբ կայքում:
 5.5. Գովազդային վիճակախաղի անցկացումը դադարեցնելու դեպքում Կազմակերպիչը պարտավոր է telecomarmenia.am պաշտոնական աղբյուրում հրապարակել տեղեկություն Գովազդային վիճակախաղի անցկացման դադարեցման մասին կամ այլ եղանակով հրապարակայնորեն ծանուցել նման դադարեցման մասին:
 5.6. Գովազդային վիճակախաղի Կազմակերպիչը պարտավոր է ավարտել Գովազդային վիճակախաղի անցկացումը, այդ թվում իրականացնել մրցանակների տրամադրումը և կատարել այլ անհրաժեշտ գործողություններ Գովազդային վիճակախաղի մասնակիցների նկատմամբ, բացառությամբ այն դեպքերի, երբ Գովազդային վիճակախաղի դադարեցումը կամ ընդհատումը պայմանավորված է գործողություններով կամ իրադարձություններով, որոնք դուրս են Կազմակերպչի վերահսկողությունից:
 5.7. Կազմակերպիչը պատասխանատվություն չի կրում Գովազդային վիճակախաղի մասնակիցների՝ այդ թվում նաև հաղթող ճանաչված անձանց առջև, Կազմակերպչի կողմից իր պարտականությունները կատարելու վրա ուղղակիորեն ազդող և դրանց կատարումն անհնարին դարձնող ֆորս-մաժորային իրավիճակների առաջացման համար՝ ներառյալ, բայց չսահմանափակելով պատերազմներ, ահաբեկչական գործողություններ, ջրհեղեղներ, հրդեհներ, գործադուլներ, երկրաշարժեր կամ այլ բնական աղետներ, համաճարակներ, պետական մարմինների կարգադրումներ և այլ օբյեկտիվ պատճառներ, որոնք կախված չեն Կազմակերպչից:
 5.8. Կազմակերպիչը պատասխանատվություն չի կրում մասնակցի կողմից հեռախոսի թափահարման արդյունքում հեռախոսի վնասման, ոչնչացման, վերածվող կամ չվերածվող որակի խախտումների կամ այլ խնդիրների համար։ Թափահարման անիմացված օրինակը բերված է սույն փաստաթղթի վերջին հատվածում:
 5.9. Կազմակերպիչը, աշխատակիցները, ինչպես նաև Կազմակերպչի գործակալները և դիլերները պատասխանատվություն չեն կրում  բջջային կապի ծառայությունների մատուցման Պայմանագրով բաժանորդի և My Team հավելվածի օգտագործողի միջև Գովազդային վիճակախաղի հարցերին վերաբերող տարաձայնությունների առաջացման դեպքում, ներառելով, սակայն չսահմանափակվելով Գովազդային վիճակախաղին մասնակցությունը, մրցանակների շահումը և այլն:     Գովազդային վիճակախաղի մասնակցնելով՝   բջջային կապի ծառայությունների մատուցման Պայմանագրով բաժանորդ չհանդիսացող  My Team հավելվածի օգտատերը հավաստիացնում է, որ ստացել է բջջային կապի ծառայությունների մատուցման Պայմանագրով բաժանորդի Գովազդային վիճակախաղում մասնակցնելու և մրցանակ շահելու համաձայնությունը։ 
 5.10. Գովազդային վիճակախաղի Կազմակերպիչն իրավունք չունի Գովազդային վիճակախաղի մասնակիցների մասին տեղեկատվությունը տրամադրել երրորդ անձանց, բացառությամբ ՀՀ օրենսդրությամբ և սույն Կանոններով նախատեսված դեպքերի:
 5.11. Կազմակերպիչն իրեն իրավունք է վերապահում նամակագրության կամ այլ կոնտակտների մեջ չմտնել Գովազդային վիճակախաղի մասնակիցների հետ, բացի սույն Կանոններում նշված կամ ՀՀ գործող օրենսդրության պահանջներին համապատասխան դեպքերից:
 5.12. Կազմակերպիչն իրեն իրավունք է վերապահում մասնակցին զրկել մրցանակից, եթե առկա են ապացույցներ, որ տվյալ մասնակիցը խախտել է ՀՀ օրենսդրությամբ և սույն Կանոններով սահմանված նորմերը: Նման դեպքերում Կազմակերպիչը մրցանակի հետ իր հայեցողությամբ վարվելու իրավունք է վերապահում:
6. Գովազդային վիճակախաղի մասնակցության և մրցանակների տրվելու կարգը, հաղթողների որոշման ալգորիթմը
 6.1. Գովազդային վիճակախաղի մասնակցելու համար անհրաժեշտ է կատարել սույն Կանոնների պայմանները:
 6.2. Գովազդային վիճակախաղի մասնակցնելու պայմանները կատարելուց անմիջապես հետո մասնակիցը դառնում է Գովազդային վիճակախաղի մասնակից՝ համաձայն սույն Կանոններով սահմանված կարգի:
 6.3. Գովազդային վիճակախաղին գրանցվելը նշանակում է, որ մասնակիցը լիովին համաձայն է Գովազդային վիճակախաղի սույն Կանոնների հետ: Գովազդային վիճակախաղին մասնակցնելով՝ մասնակիցը տալիս է Կազմակերպչին Գովազդային վիճակախաղի մասնակցնելու, անհրաժեշտության դեպքում՝ մրցանակը ստանալու համար անհրաժեշտ իր անձնական տվյալները Կազմակերպչի կողմից մշակելու համաձայնությունը՝ «Տելեկոմ Արմենիա» ՓԲԸ-ի կայքում զետեղված Գաղտնիության քաղաքականության համաձայն (https://www.telecomarmenia.am/hy/privacy-policy/)
 6.4. Մրցանակներ շահած մասնակիցները Կազմակերպչի խնդրանքով համաձայնում են մասնակցել հարցազրույցին և/կամ ֆոտո/վիդեո նկարահանումներին, որոնք անցկացվում են գովազդային նպատակներով և կապված են Գովազդային վիճակախաղին մասնակցելու հետ:
 6.5. Գովազդային վիճակախաղի մրցանակային ֆոնդ
  6.5.1. Գովազդային վիճակախաղի մրցանակային ֆոնդը ձևավորվում է Գովազդային վիճակախաղի Կազմակերպչի սեփական միջոցների հաշվին և առանձին սահմանվում մինչ Գովազդային վիճակախաղի սկիզբը: Գովազդային վիճակախաղի մասնակիցը յուրաքանչուր օր մասնակցելով կարող է ստանալ ստորև ներկայացված մրցանակներից մեկը: 

Մրցանակի անվանումը

Մրցանակների քանակը*

Խաղարկման սկզբունք

1

Volkswagen ID.4**

1 (մեկ) հատ

Կտրոնների հիման վրա

2

Iphone 14 Pro 128GB**

1 (մեկ) հատ

Կտրոնների հիման վրա

3

Ռոբոտ փոշեկուլ Robot VC Kyvol D3**

1 (մեկ) հատ

Կտրոնների հիման վրա

4

Xiaomi Redmi Note 11 | 128 GB**

1 (մեկ) հատ

Կտրոնների հիման վրա

5

Samsung Galaxy A32 | 128 GB **

1 (մեկ) հատ

Կտրոնների հիման վրա

6

Iphone 13 Pro 128GB

3 (երեք) հատ

Հեռախոսի թափահարման արդյունքում

7

Samsung Galaxy A13 | 32 GB

12 (տասներկու) հատ

Հեռախոսի թափահարման արդյունքում

8

էլեկտրական ինքնագնաց Accesstyle Frost 20S

4 (չորս) հատ

Հեռախոսի թափահարման արդյունքում

9

Ականջակալներ F+ Cloud TWS White    

1781 (հազար յոթ հարյուր ութսունմեկ) հատ

Հեռախոսի թափահարման արդյունքում

10

Մինչև 98 % զեղչով Ինտերնետ տրաֆիկ 50-500MB***

Ըստ մասնակիցների քանակի

Հեռախոսի թափահարման արդյունքում

11

Սակագնային փաթեթ 50%  զեղչ-ով****

Ըստ մասնակիցների քանակի

Հեռախոսի թափահարման արդյունքում

12

Րոպեներ ցանցի ներսում և այլ ցանցեր հարմարավետ գնով

Ըստ մասնակիցների քանակի

Հեռախոսի թափահարման արդյունքում

13

Team բոնուս համակարգի 20-50 միավոր

Ըստ մասնակիցների քանակի

Հեռախոսի թափահարման արդյունքում

14

E-Shop հարթակի գնումների զեղչի promo code 5-10%*****

Ըստ մասնակիցների քանակի

Հեռախոսի թափահարման արդյունքում

15

Karapp promo code ******

Ըստ մասնակիցների քանակի

Հեռախոսի թափահարման արդյունքում

 16

START promo code 20, 30, 60 *******

Ըստ մասնակիցների քանակի

Հեռախոսի թափահարման արդյունքում

17

Մարզաշապիկ*********

16 (տասնվեց) հատ

Հեռախոսի թափահարման արդյունքում

18

Շեյք պրոմոկոդ********

Ըստ մասնակիցների քանակի

Հեռախոսի թափահարման արդյունքում

19

Be Free 4900 և Be Free 7900 սակագնային փաթեթ անվճար 1 ամիս ժամկետով

Ըստ մասնակիցների քանակի

Հեռախոսի թափահարման արդյունքում

*Նշված է տրվող մրցանակների գումարային քանակը:

** Նշված մրցանակների խաղարկությունը անցկացվելու է կտրոնների հիման վրա՝

  • Բոլոր բաժանորդները յուրաքանչյուր շեյքի դիմաց ստանալու են և կուտակելու են կտրոններ նշված մրցանակների խաղարկությանը մասնակցելու համար։
  • TEAM բաժանորդները յուրաքանչյուր շեյքի դիմաց կստանան  3 կտրոն, այլ օպերատորները՝ 1 կտրոն
  • Նշված մրցանակների մրցանակների խաղարկության ժամանակ պատահական թվերի գեներատորը ուղիղ եթերում կընտրի մեկ մասնակցի կտրոն հեռախոսահամարով: Հեռախոսահամարի վերջին 2 նիշերը փակված կլինեն։
  • Այնուհետև կապ է հաստատվում մասնակցի հետ: Նրա հետ կապ հաստատելու հաջող փորձի դեպքում մասնակիցը հաղթող է ճանաչվում: Այնուհետև զանգը փոխանցվում է Կազմակերպչի պատասխանատու աշխատակցին, ով տեղեկացնում է հաղթողին շահումը ստանալու պայմանների (ժամ, օր, վայր և այլն) մասին, ինչպես նաև վերցնում է մասնակցի անձնական տվյալները:  
  • Եթե ընտրված համարով մասնակցի հետ չի ստացվում կապ հաստատել մասնակցի հեռախոսահամարի անհասանելի կամ անջատված լինելու պատճառով, ապա կատարվում է կապ հաստատելու 3 լրացուցիչ փորձ, որոնց ձախողման դեպքում պատահական թվերի գեներատորը ընտրում է մեկ այլ կտրոն:
  • Եթե ընտրված համարով մասնակցի հետ չի ստացվում կապ հաստատել մասնակցի հեռախոսահամարի զբաղված լինելու պատճառով, ապա կատարվում է կապ հաստատելու 3 լրացուցիչ փորձ, որոնց ձախողման դեպքում պատահական թվերի գեներատորը ընտրում է մեկ այլ կտրոն:
  • Եթե ընտրված համարով մասնակցի հետ չի ստացվում կապ հաստատել մասնակցի կողմից հեռախոսազանգին չպատասխանելու պատճառով, ապա կատարվում է կապ հաստատելու 3 լրացուցիչ փորձ (ամեն փորձի ժամանակ սպասելով 10 զանգ), որոնց ձախողման դեպքում պատահական թվերի գեներատորը ընտրում է մեկ այլ կտրոն:
  • Եթե ընդհատվում է ուղիղ եթերում հաստատված կապն այն մասնակցի հետ, ում հեռախոսահամարը ընտրվել է պատահական թվերի գեներատորի միջոցով, կամ կապի ինչ-որ խափանումներ (վատ է լսվում, կան խնդիրներ բաժանորդի հեռախոսի, ցանցի հետ և այլն) ապա կատարվում է կապի հաստատման 3 լրացուցիչ փորձ, որոնց անհաջող լինելու դեպքում, գեներատորը ընտրում է մեկ այլ կտրոն:
  • Եթե զանգին պատասխանում է անչափահասը և հայտոնում է որ տանը չկա 18 տարին լրացած անձ որին կարող է փոխանցել հեռախոսը, ապա հաշվի առնելով որ գովազդային վիճակախաղին չեն կարող մասնակցել 18 տարին չլրացած անձինք համաձայն սույն Պյամանների 5.2 կետին պատահական թվերի գեներատորը ընտրում է մեկ այլ կտրոն:
  • Մրցանակը ստանալիս՝ հաղթող մասնակիցը պետք է ներկայացնի ՀՀ օրենսդրության համաձայն մրցանակը հանձնելու համար անհրաժեշտ փաստաթղթերը:
  • Մրցանակը ստանալու համար Հաղթողը պետք է Կազմակերպչի նշած օրն ու ժամին իր հաշվին ժամանի մրցանակների հանձնման վայր, որի մասին Հաղթողին լրացուցիչ տեղեկացնում են: 
  • Նշված մրցանակների խաղարկության կտրոնները տրվելու են մինչև դեկտեմբերի 14-ի 23:59:
  • Նշված մրցանակների խախարկությունը տեղի կունենա դեկտեմբերի 16-ին, ժամի և տեղի մասին հավելյալ կհրապարակվի Կազմակերպչի պաշտոնական կայքում՝www.telecomarmenia.am:
  • Կազմակերպիչը անցկացվող Գովազդային վիճակախաղի շրջանակներում կարող է իր հայեցողությամբ իրականացնել լրացուցիչ միջոցառումներ տեղադրելով համապատասխան տեղեկատվությունը www.telecomarmenia.am վեբ կայքում:

*** Ինտերնետ տրաֆիկ 50-500MB – տրամադրվում է մինչև 98% զեղչով, տրման օրվանից 3 օր ժամկետով:

ՄԲ-ի ծավալ

Գին

Զեղչ %

Զեղչված գին (ներառյալ ԱԱՀ)

50

5

80

1

100

10

90

1

150

15

93,3

1

200

20

95

1

300

30

96,7

1

500

50

98

1

**** Առաջարկը գործում է տրման օրվանից 30 օր ժամկետով։ Զեղչը գործում է ակտիվացման պահից մեկ ամիս

Փաթեթ

Գին

Զեղչ %

Զեղչված գին (ներառյալ ԱԱՀ)

Befree 1900

1900

50

950

Befree 2900

2900

50

1450

Befree 4900

4900

50

2450

Befree 7900

7900

50

3950

*****      Promo Code-ը գործում է տրման օրվանից 30 օր ժամկետով։ Զեղչը չի գործում արդեն իսկ զեղչված սարքավորումների վրա։ Յուրաքանչյուր Promo Code հնարավոր է օգտագործել 1 անգամ։

******     Ակտիվացնելուց հետո գործում է 31 օր ժամկետով

*******    START promo code 20 - Ակտիվացնելուց հետո գործում է 20 օր ժամկետով

START promo code 30 - Ակտիվացնելուց հետո գործում է 30 օր ժամկետով

START promo code 60 - Ակտիվացնելուց հետո գործում է 60 օր ժամկետով

******** Shake Promo Code-ը գործում է տրման օրվանից 3 օր ժամկետով: Ակտիվացնելով բաժանորդը հնարավորություն է ստանում ևս մեկ անգամ շեյքելու։ Յուրաքանչյուր Promo Code հնարավոր է օգտագործել 1 անգամ։

********* Մարզաշապիկ շահելուց, Team գրասենյակում տրամադրվելու է «Voucher», որի հիման վրա շահողը կմոտենա ՀՖՖ խանութից կվերցնի

  6.5.2. Մրցանակները չեն տրամադրվելու համարժեք դրամով:
 6.6. Գովազդային վիճակախաղի մրցանակներ շահողների որոշման և մրցանակների տրամադրման կարգ
  6.6.1. Սույն Կանոնների 6.5.1. կետում նշված մրցանակային ֆոնդի խաղարկությունը իրականացվում է պատահականության սկզբունքով գովազդային վիճակախաղում բոլոր մասնակիցների միջև՝ Կազմակերպչի կողմից մշակված ծրագրային ապահովման միջոցով և սույն Կանոններին համաձայն:
  6.6.2. Գովազդային վիճակախաղի մեկ մասնակից յուրաքանչյուր օր կարող է շահել միայն մեկ ֆիզիկական մրցանակ:
7. Մրցանակների ստացման կարգը, ժամկետներն ու վայրը
 
7.1. Մրցանակը ստանալու համար հաղթող մասնակիցը պետք է ներկայացնի անձը հաստատող փաստաթուղթ:
  7.1.1. Մրցանակների հանձնման վայրը՝ «Տելեկոմ Արմենիա» ՓԲԸ Ազատության 24/1 հասցեում գտնվող Վաճառքի և Սպասարկման գրասենյակ:
  7.1.2. Մրցանակների հանձնման օրը՝ հաղթողները կարող են ստանալ մրցանակները կազմակերպչի կողմից նախապես զանգ ստանալուց և ստացման օրը համաձայնացնելուց հետո:
  7.1.3. Մրցանակների հանձնման/ստացման փաստը. Մրցանակը համարվում է հանձնված/ստացված սույն Կանոնների կից թիվ 1 Հավելվածով սահմանված ձևը մասնակցի կողմից ստորագրման պահից:
  7.1.4. Մրցանակ ստանալու պահից մրցանակի պատահական կորստի/վնասի/ոչնչացման ռիսկը անցնում է մասնակցին: 
8. Բողոքները և դրանց վավերականության ժամկետը
 8.1. Գովազդային վիճակախաղի վերաբերյալ ցանկացած բողոք պետք է ուղղել «Տելեկոմ Արմենիա» ՓԲԸ Հաճախորդների օպերատիվ սպասարկման կենտրոն 0611 հեռախոսահամարով կամ գրելով Ֆեյսբուքյան էջին այն ժամանակահատվածում, որին վերաբերում է բողոքը: Բողոքի գրանցման ամսաթիվ է համարվում Սպասարկման կենտրոն կատարված զանգի/ ուղարկված նամակի ամսաթիվը:
 8.2. Մասնակիցը պետք է մանրամասն ու մատչելի ներկայացնի բողոքի բովանդակությունը: Բողոքում պետք է նշված լինի մասնակցի անուն, ազգանուն, հայրանունը, կոնտակտային հեռախոսահամար և այն հեռախոսահամարը, որով բաժանորդը մասնակցել է Գովազդային վիճակախաղի, ինչպես նաև մասնակցի էլեկտրոնային հասցեն` նրա բողոքին պատասխանելու համար:
 8.3. Բոլոր բողոքները կքննարկվեն` Կազմակերպչի կողմից դրանք ստանալու օրվանից սկսած 15 աշխատանքային օրվա ընթացքում:
 8.4. Կազմակերպիչը դիտարկում է բողոքները` հիմնվելով սույն Կանոնների վրա:
 8.5. Բողոքի առարկայի վերաբերյալ Կազմակերպչի որոշումը վերջնական է: Մասնակիցը Կազմակերպչի որոշման մասին կտեղեկացվի հեռախոսով, էլեկտրոնային փոստով կամ այլ միջոցով:
 8.6 Կազմակերպիչը, օգտագործելով իր տեխնիկական միջոցները, ապահովում է ծառայությունների և համակարգի մշտական աշխատանքը` պահելով այն բարձր մակարդակի վրա: Այդուհանդերձ, Կազմակերպիչը պատասխանատվություն չի կրում այն խնդիրների համար, որոնք հնարավոր չէ վերացնել, չնայած որ դրա համար ձեռնարկվել են բոլոր հնարավոր միջոցները: Կազմակերպիչը պատասխանատվություն չի կրում հեռախոսային սարքավորումների աշխատանքի և երրորդ անձանց գործողութունների համար:
 8.7. Կազմակերպիչը պատասխանատվություն չի կրում Գովազդային վիճակախաղի մրցանակ շահած մասնակցի մեղքով մրցանակը ստանալու հնարավորության բացակայության համար, և նման դեպքերում Կազմակերպիչը մրցանակի հետ իր հայեցողությամբ վարվելու իրավունք է վերապահում:
 8.8. Կազմակերպիչը պատասխանատվություն չի կրում այն իրավիճակների համար, երբ Գովազդային վիճակախաղի մասնակցության համար կատարվող գործողությունները կատարվում են սույն Կանոնների խախտմամբ:
 8.9. Մասնակիցները հասկանում և համաձայնում են, որ սեփական ռիսկով են մասնակցում Գովազդային վիճակախաղի:
 8.10. Կազմակերպիչը ոչ մի պատասխանատվություն չի կրում այն դեպքում, եթե մասնակիցը Գովազդային վիճակախաղի մասնակցելու և մրցանակը շահելու նպատակով խոշոր գումար ծախսելու ինքնուրույն որոշում կայացնի:
 8.11. Կազմակերպիչը իրավունք է վերապահում Գովազդային վիճակախաղի անցկացման սույն Կանոններում փոփոխություններ կատարել՝ համապատասխան տեղեկատվություն հրապարակելով telecomarmenia.am կայքում: Փոփոխություններն ուժի մեջ են մտնում հրապարակման պահից:
 8.12. Բոլոր վեճերն ու տարաձայնությունները, որոնք կարող են առաջանալ պետք է լուծվեն ՀՀ գործող օրենսդրությանը համապատասխան:
 8.13. Հաղթող մասնակիցը նվերը կարող է ստանալ, շահման օրվանից 1 ամսվա ընթացքում, հակառակ դեպքում շահումը կճանաչվի անվավեր