Տեղեկացնում ենք հեռախոսային խարդախության նոր տեսակի մասին, որի միջոցով զեղծարարները փորձում են մոլորեցնել քաղաքացիներին՝ ներկայանալով Team Telecom Armenia-ի աշխատակից և պնդելով, որ, իբր, բաժանորդի համարը կանջատվի, եթե չկատարվեն որոշ «կարգավորումներ» 5G ցանցին միանալու համար։
Այնուհետև WhatsApp-ի կամ այլ հավելվածի միջոցով բաժանորդին ուղարկում են կասկածելի ծրագիր կամ հղում, խնդրում անջատել անվտանգության համակարգերը և տեղադրել այդ ծրագիրը։

Մենք արգելափակում ենք զեղծարարների համարները և անում հնարավոր ամեն ինչ մեր բաժանորդներին պաշտպանելու համար։ Միևնույն ժամանակ հիշեցնում ենք, որ 5G-ի ակտիվացման համար որևէ հավելված տեղադրել կամ լրացուցիչ կարգավորում անել պետք չէ։
Team Telecom Armenia-ի աշխատակիցները երբեք չեն խնդրում՝

🚫 տեղադրել անհայտ հավելվածներ,
🚫 անջատել անվտանգության համակարգերը,
🚫 տրամադրել բանկային կամ ֆինանսական տվյալներ։

Տեխնիկական կամ այլ հարցերի դեպքում խնդրում ենք զանգահարել 100 կարճ համարին, կամ գրել մեր պաշտոնական սոցիալական էջերին։