2019թ․ օգոստոսի 1-ից Արցախ ճամփորդող Beeline բաժանորդների համար գործում են նոր նվազեցված սակագներ.

բոլոր մուտքային զանգերի համար՝ 25 դրամ/րոպե,  դեպի Հայաստան ելքային զանգերի և Արցախում տեղական զանգերի համար 38 դրամ/րոպե, իսկ կարճ հաղորդագրությունների համար՝ 40 դրամ/SMS։  

Արցախում մինչ այդ գործող սակագների փոփոխությունը հնարավոր դարձավ Արցախում ռոումինգի սակագների վերանայման նպատակով ստեղծված աշխատանքային խմբի քննարկումների արդյունքում։ Աշխատանքային խումբը ձևավորվել էր ՀՀ բարձր տեխնոլոգիական արդյունաբերության նախարարության,  ՀՀ Հանրային ծառայությունները կարգավորող հանձնաժողովի, Արցախի էկոնոմիկայի և արտադրական ենթակառուցվածքների նախարարության, Արցախի հանրային ծառայությունները և տնտեսական մրցակցությունը կարգավորող պետական հանձնաժողովի, «Ղարաբաղ Տելեկոմ» ՓԲԸ-ի և Հայաստանում գործող բոլոր օպերատորների ներկայացուցիչներից:

«ՎԵՈՆ Արմենիա» ՓԲԸ-ն մշտապես պատրաստ է գործադրել բոլոր անհրաժեշտ ջանքերը` Արցախում ռոումինգի սակագների հետագա նվազեցման ուղղությամբ։