Նախքան արագության չափմանն անցնելը, անհրաժեշտ է հասկանալ օպերատորի կողմից տրամադրվող և բրաուզերում երևացող ներբեռնման/վերբեռնման արագությունների տարբերությունը: Հարցը նրանումն է, որ օպերատորը տրամադրում է ինտերնետ Մբիթ/վրկ չափման միավորով: Որպեսզի պարզ դառնա, թե որքան Մբայթ է պարունակվում տրամադրվող միավոր հոսքում, անհրաժեշտ է իմանալ , որ 1բայթը հավասար է 8 բիթի: Ասյպիսով, արագությունը լինում է մուտքային (Download) և ելքային (Upload): Բացի այդ, չափման ընթացքում հնարավոր է իմանալ նաև պինգի (Ping) արժեքը:

Ի՞նչ է պինգը(Ping): Պինգը Ձեր համակարգչից դեպի սերվեր և հակառակ տվյալների փաթեթի փոխանցման արագությունն է: Որքան այդ արժեքը ցածր լինի, այդքան ավելի լավ օգտագործողի համար: Ի՞նչ են իրենից ներկայացնում մուտքային (Download) և ելքային (Upload) արագությունները: Մուտքայինը ֆայլի ներբեռնման արագությունն է իսկ ելքայինը՝ վերբեռնման: Այդ տվյալները տարբերվում են միմյանցից:

Կարևոր է իմանալ: Արագության չափման ժամանակ խորհուրդ չի տրվում օգտագործել Wi-Fi կապ, ունենալ այլ միացված համակարգիչ, բջջային սարքավորում կամ ծառայություններ՝ IPTV: Պարտադիր պայմաններ են՝ ունենալ լարային միացում երթուղիչին (router), անջատել բոլոր կողմնակի ծրագրերը (հակավիրուսային ծրագրեր, տորենտ, ֆայրվոլ և բրաուզերում բացված այլ տարբեր ծրագրեր):

Հնարավորությունները, որոնք ընձեռում է Windows-ը: Որպեսզի պարզենք տվյալ միացման տեսակով ինտերնետի առավելագույն հասանելի արագությունը, մուտք ենք գործում «Ցանցային միացում» («Сетевые подключения»/«Network Connections») բաժինը , մկնիկի աջ ստեղնով սեղմում ենք «Ethernet»-ի վրա և բացված մենյուից ընտրում «Состояние» / «Status»:

Windows-ի ընձեռած հնարավորությունները : LAN-ի և WiFi-ի պարագաներում տվյալների փոխանցման արժեքները կարող են էականորեն տարբերվել՝ պայմանավորված ներկառուցված ընդունիչների տեխնիկական հնարավորություններով: Վերոնշյալ նկարում արտացոլվում է Ձեր ընդունիչի թողունակության առավելագույն հնարավորությունը (LAN և WiFi) :

Թեստավորումը Ձեր անձնական համակարգչով կամ նոութբուքով: Որպեսզի տեսնեք Ձեր ինտերնետի արագությունը, սեղմեք «Ctrl+Alt+Delete» և մուտք գործեք առաջադրանքների մենեջեր բաժինը, այնուհետև սեղմեք «Производительность»/ «Performance» ենթաբաժնի վրա , և բացված էջում գտեք «Ethernet» կամ «WiFi», կախված, թե որ տարբերակից եք օգտվում: Այնուհետև ներբեռնեք Ձեզ անհրաժեշտ որևէ ֆայլ (օրինակ վիդեոհոլվակ): Աջակողմյան գրաֆիկում կտեսնեք կապի ծանրաբեռնվածությունը, իսկ ներքևում կտեսնեք օպերատորի կողմից ապահովվող արագությունը +/- 10-15% ճշգրտությամբ:

Արագության թեստավորումը speedtest.net վեբ-կայքի միջոցով : Այս կայքը շատ հայտնի է ինտերնետ օգտագործողների շրջանակում և միևնույն ժամանակ շատ հեշտ է օգտագործել: Թեստավորման համար պարզապես սեղմեք «Начать» կամ «GO»: Արդյունքերը կտեսնեք ընդամենը 25-30 վայրկյան անց:

Speedtest – հասանելի է ոչ միայն օնլայն բրաուզերով, այլ նաև հավելվածի միջոցով տարբեր սարքավորումների համար՝ հեռախոս, պլանշետ:

Ի՞նչ սերվեր ընտրել թեստի համար: Նախքան թեստը սկսելը, խորհուրդ է տրվում ընտրել ձեր օպերատորի սերվերը առավելագույն ճշգրիտ տվյալներ ստանալու համար:

Ի՞նչ սերվեր ընտրել թեստի համար: Նախքան թեստը սկսելը, խորհուրդ է տրվում ընտրել Ձեր օպերատորի սերվերը առավելագույն ճշգրիտ տվյալներ ստանալու համար:

Այս փուլով արդեն ցույց է տրվում Ձեր ինտերնետի արագությունը: