Ինչո՞ւ է դադարեցվում 2G շահագործումը
2G տեխնոլոգիան օգտագործվում է դեռևս 1990-ականներից և այսօր այլևս չի համապատասխանում ժամանակակից պահանջներին՝ տվյալների արագ փոխանցման, ծառայությունների բազմազանության և տեղեկատվական անվտանգության տեսանկյունից։ Մենք բարելավում ենք մեր ցանցը՝ զարգացնելով 3G/4G և 5G տեխնոլոգիաները։ Այս փոփոխությունը կհանգեցնի ծածկույթի բարելավման, ավելի արագ և հուսալի կապի, ավելի շատ հնարավորությունների, ավելի բարձր անվտանգության։
Հատուկ առաջարկ
Փոխի՛ր 2G ցանցով հեռախոսդ նոր 3G/4G բջջային հեռախոսով և օգտվիր 3G և ավելի բարձր ցանցի բոլոր հնարավորություններից։ Հատուկ առաջարկը գործում է 15.08.2025 - 15.04.2026 ներառյալ։ Հատուկ առաջարկից օգտվելու համար անհրաժեշտ է ներկայանալ վաճառքի և սպասարկման կենտրոն անձը հաստատող փաստաթղթով։
- Անցնել նույնականացում այն հեռախոսահամարով, որին եկել է կարճ հաղորդագրությունը։
- Լիցքավորել հաշվեկշիռը 5000 դրամով։:
Հեռախոսի բնութագրեր․
- ENERGIZER E242S+` տեսախցիկ՝ 2 ՄՊ, մարտկոց՝ 2000 մԱժ, հիշողություն՝ 4 ԳԲ / 512 ՄԲ:
- INOI 140 Classic Lite 4G` Մարտկոց՝ 1000 մԱժ:
- ENERGIZER E288s` տեսախցիկ՝ 0.3 ՄՊ, մարտկոց՝ 2000 մԱժ, հիշողություն՝ 4 ԳԲ/ 512 ՄԲ
- MM248-ի՝ տեսախցիկ՝ 0.3 ՄՊ, մարտկոց՝ 1000 մԱժ, հիշողություն՝ 48 ՄԲ / 64 ՄԲ։
Հաճախ տրվող հարցեր
Պետք է փոխե՞մ SIM քարտս
Եթե SIM քարտը հին է, որը չի համապատասխանում նոր սարքին, մենք այն կփոխարինենք անվճար։
Կփոխվի՞ իմ սակագնային փաթեթը կամ հեռախոսահամարը
Ո՛չ։ Հեռախոսահամարը և սակագնային փաթեթը կմնան անփոփոխ։
Եթե ես եմ օգտվում համարից, բայց այն իմ անունով չէ, կարո՞ղ եմ ստանալ հեռախոս
Այո՛, բայց անհրաժեշտ է նախ անվանափոխել։ Անվանափոխության գործընթացին կարող եք ծանոթանալ այցելելով ցանկացած Team Վաճառքի և սպասարկման կենտրոն։
Հատուկ առաջարկի պայմաններ
Հատուկ առաջարկից կարող են օգտվել այն բաժանորդները, ովքեր օգոստոսի 15-ի դրությամբ վերջին երեք ամիսների ընթացքում օգտագործել են միայն 2G ցանցում աշխատող հեռախոսներ, և դրանց միջոցով օգտվել են Ընկերության կապի ծառայություններից։
Բաժանորդները կստանան կարճ հաղորդագրություն մասնակցության վերաբերյալ։
Հատուկ առաջարկից օգտվելու համար անհրաժեշտ է ներկայանալ վաճառքի և սպասարկման կենտրոն անձը հաստատող փաստաթղթով։ Անցնել նույնականացում այն հեռախոսահամարով, որին եկել է կարճ հաղորդագրությունը։ Լիցքավորել հաշվեկշիռը 5000 դրամով։
Կարո՞ղ եմ «Բալանսի փոխանցում» ծառայությունից օգտվել:
Հատուկ առաջարկի շրջանակներում, հեռախոսը փոխելու պահից, «Բալանսի փոխանցում» ծառայությունը կարգելափակվի 60 օր ժամկետով։