Team Telecom Armenia-ն ներկայացնում է «ԷկոԼինք» ծառայությունը՝ նախատեսված իրավաբանական անձանց համար, որոնք կարևորում են իրենց գործունեության բնապահպանական ազդեցության գնահատումը և կայուն զարգացման սկզբունքները։

Ծառայության առավելությունները՝

• Ջերմոցային գազերի արտանետումների վահանակ (ՋԳ վահանակ)․ կիսամյակային հաշվետվություններ՝ հիմնված ընկերության կողմից օգտագործվող շարժական և ֆիքսված ինտերնետի ծավալների վրա։ Վահանակը հնարավորություն է տալիս գնահատել հեռահաղորդակցության ծառայությունների հետ կապված ածխածնային հետքը։
• 10% զեղչ Team Energy-ի ծառայություններից օգտվելիս՝ էլեկտրական մեքենաների լիցքավորման համար՝ անկախ մեքենաների քանակից։

Ծառայության պայմանները՝

• Ծառայությունը տրամադրվում է հետվճարային հիմունքներով։
• Ամսավճարը՝ 17,000 ՀՀ դրամ՝ ներառյալ ԱԱՀ-ն։
• Ակտիվացման ամսում վճարը հաշվարկվում է համամասնորեն՝ ակտիվացման օրվանից մինչև ամսվա ավարտը։

Ծառայությունն ակտիվացնելու համար պետք է դիմել կորպորատիվ վաճառքի և սպասարկման կենտրոն։

Ջերմոցային գազերի արտանետումների վահանակի մասին՝

Վահանակում ներկայացված տվյալները հաշվարկվում են միջազգային GHG Protocol-ի սկզբունքների հիման վրա և նախատեսված են հաճախորդների կողմից օգտագործվող հեռահաղորդակցության ծառայությունների հետ կապված արտանետումների գնահատման համար։