ՀԱՅՏԱՐԱՐՈՒԹՅՈՒՆ «Ա» ԴԱՍԻ ՀԱՍԱՐԱԿ ԲԱԺՆԵՏՈՄՍԵՐԻ ՀՐԱՊԱՐԱԿԱՅԻՆ ԱՌԱՋԱՐԿԻ ՎԵՐԱԲԵՐՅԱԼ
2023 թվականի հունիսի 07-ից մինչև 2023 թվականի հոկտեմբերի 31-ը ներառյալ «Տելեկոմ Արմենիա» ԲԲ ընկերությունը հրապարակային առաջարկի միջոցով նախատեսում է տեղաբաշխել անվանական ոչ փաստաթղթային բաժնետոմսերը հետևյալ պայմաններով.
|
ԹՈՂԱՐԿՈՂԸ |
«ՏԵԼԵԿՈՄ ԱՐՄԵՆԻԱ» ԲԲԸ |
|
ԴԱՍԸ |
«Ա» դասի հասարակ բաժնետոմսեր |
|
ՔԱՆԱԿԸ |
40,000,000 հատ |
|
ՄԵԿ ԲԱԺՆԵՏՈՄՍԻ ԳԻՆԸ |
206 ՀՀ դրամ |
|
ՏԵՂԱԲԱՇԽՄԱՆ ԸՆԴՀԱՆՈՒՐ ԾԱՎԱԼԸ |
8,240,000,000 ՀՀ դրամ |
|
ՁԵՌՔԲԵՐՄԱՆ ՆՎԱԶԱԳՈՒՅՆ ՔԱՆԱԿԸ |
200 հատ |
|
ՁԵՌՔԲԵՐՄԱՆ ՆՎԱԶԱԳՈՒՅՆ ԾԱՎԱԼԸ |
41,200 ՀՀ դրամ |
|
ՏԵՂԱԲԱՇԽՈՂԸ |
«ԱՄԵՐԻԱԲԱՆԿ» ՓԲԸ |
«Տելեկոմ Արմենիա» ԲԲԸ բաժնետոմսերի ազդագիրը գրանցվել է ՀՀ կենտրոնական բանկի նախագահի 2023թ. մայիսի 31-ի Թիվ N 1/288Ա որոշմամբ:
Ներդրողներն ազդագրի տպագիր տարբերակը կարող են ձեռք բերել «ԱՄԵՐԻԱԲԱՆԿ» ՓԲԸ (այսուհետ՝ Բանկ) գլխամասային գրասենյակում (հասցե` ՀՀ, 0010 Երևան, Վազգեն Սարգսյան 2), իսկ էլեկտրոնային տարբերակը` ստորև ներկայացված հղումով:
Բաժնետոմսերի ձեռքբերման համար ներդրողները սահմանված կարգով պետք է լրացնեն և Տեղաբաշխողին պատշաճ կերպով ներկայացնեն բաժնետոմսերի ձեռքբերման հայտ-հանձնարարական, որով հավաստում են թողարկման պայմաններն ընդունելու իրենց պատրաստակամությունը և որով այդ պայմանները դառնում են ներդրողների համար պարտադիր:
Բաժնետոմսերի ձեռքբերման հայտ-հանձնարարականը կհամարվի Տեղաբաշխողին պատշաճ կերպով ներկայացված, եթե այն ներկայացվել է Տեղաբաշխողի հետ ներքոնշյալ համակարգերից կամ կապի միջոցներից որևէ մեկի միջոցով.
|
Առցանց՝
|
|
Առձեռն՝
|
|
Էլեկտրոնային փոստին ուղարկելու միջոցով՝ CapitalMarkets@ameriabank.am |
|
CBAnet հասցեին ուղարկելու միջոցով՝ CapitalMarkets Ameriabank/AMERIA/CBANet@CBANet |
Բաժնետոմսերի ձեռքբերման հայտ-հանձնարարականը լրացնելուց և պատշաճ կերպով Տեղաբաշխողին ներկայացնելուց հետո բաժնետոմսերի ձեռքբերման համար համապատասխան դրամական միջոցները ներդրողների կողմից պետք է մուտքագրվեն թողարկման նպատակով «ԱՄԵՐԻԱԲԱՆԿ» ՓԲԸ-ում բացված 1570043105289700 հաշվեհամարին մինչև հայտ-հանձնարարականի ներկայացման օրվա ավարտը: MyAmeria հավելվածի MyInvest հարթակի միջոցով ձեռքբերում իրականացնող ֆիզիկական անձինք հնարավորություն ունեն նույն հարթակի միջոցով իրականացնելու բաժնետոմսերի ձեռքբերման համար համապատասխան դրամական միջոցների մուտքագրումը, ինչպես նաև ավտոմատ կերպով բացելու արժեթղթերի հաշիվը:
Ներդրողները տեղեկացվում են իրենց հայտ-հանձնարարականների բավարարման մասին հայտի ներկայացման օրվան հաջորդող 2 աշխատանքային օրվա ընթացքում:
Թողարկողը տեղեկացնում է, որ կկրի այն ֆիզիկական անձանց արժեթղթերի (դեպո) հաշվի սպասարկման վճարի գծով 1 տարվա ծախսը*, որոնք բաժնետոմսերը ձեռքբերելու նպատակով կբացեն արժեթղթերի հաշիվ «Ամերիաբանկ» ՓԲԸ արժեթղթերի պահառության ծառայությունների ներքո:
Ազդագիր
Ձեռքբերման հայտ-հանձնարարական իրավաբանական անձանց համար
Ձեռքբերման հայտ-հանձնարարական ֆիզիկական անձանց համար
* Համաձայն «Ամերիաբանկ» ՓԲԸ արժեթղթերի հաշվի բացման/պահառուական ծառայությունների մատուցման սակագների՝ արժեթղթերի (դեպո) հաշվի սպասարկաման վճարը կազմում է տարեկան 5,000 ՀՀ դրամ: