Ելնելով արտակարգ իրավիճակից և հոգ տանելով իր հաճախորդների մասին՝ Beeline-ը իրականացրել է փոփոխություններ ծառայությունների տրամադրման արգելափակման կարգի մեջ:

Հետվճարային բաժանորդների համար Beeline-ը հետաձգել է բջջային և ֆիքսված Ինտերնետի, ինչպես նաև ֆիքսված հեռախոսակապի արգելափակման ժամկետները։

Հեռախոսակապի ծառայություններից օգտվելու համար կարևոր է իմանալ հետևյալը՝

Կապի ծառայությունների արգելափակումից խուսափելու համար մատուցված ծառայությունների դիմաց ժամկետանց հաշիվները անհրաժեշտ է վճարել հետևյալ ժամանակացույցի համաձայն՝

• հետվճարային բջջային կապի ծառայությունների, այդ թվում «COMBO» փաթեթի համար՝ մինչև սույն թվականի ապրիլի 19-ը:
• ֆիքսված Ինտերնետի ծառայությունների համար՝ մինչև սույն թվականի ապրիլի 25-ը:
• ֆիքսված հեռախոսակապի ծառայությունների համար՝ մինչև սույն թվականի մայիսի 7-ը:
• COMBO կանխավճարային փաթեթում ներառված ֆիքսված Ինտերնետի համար, եթե COMBO փաթեթի գործողության ժամկետն ավարտվել է՝ մինչև սույն թվականի ապրիլի 19-ը։

Բոլոր վերը նշված ծառայությունները հասանելի կլինեն մինչև ժամանակացույցով սահմանված օրը։

Նշված ժամկետներում վճարումներ չկատարելու դեպքում, Ձեր ծառայությունները կկասեցվեն:

Հետվճարային ֆիքսված հեռախոսակապի և Ինտերնետի ծառայությունները հասանելի կլինեն ժամկետանց հաշիվները վճարելուց հետո։