Beeline-ն աջակցում է ԱՆ կամավորներին

27 Մարտի
Beeline-ն աջակցում է ԱՆ կամավորներին

27 մարտի 2020 թ., Երևան. Հաշվի առնելով վերջին շրջանում աշխարհում տեղի ունեցող իրավիճակը` կապված COVID-19 վիրուսի տարածման հետ ՝ Beeline-ն ակտիվ մասնակցում է կորոնավիրուսի համաճարակի դեմ պայքարին։  

Beeline-ը, աջակցելով կամավորներին, առողջապահության նախարարությանը տրամադրում է անվճար 2000 բջջային կապի կանխավճարային համակարգի հեռախոսաքարտեր, որոնք օգտագործման համար հասանելի կլինեն մարտի 26-ից:

Տրամադրվող փաթեթը կազմվել է այնպես, որ կամավորները մշտապես կապի մեջ լինեն և կարողանան արդյունավետ կազմակերպել իրենց աշխատանքը: Փաթեթները ներառում են՝

  • 10,000 րոպե դեպի «Beeline» բջջային ցանց զանգերի հնարավորություն,
  • 50 րոպե դեպի ՀՀ այլ օպերատորների բջջային և բոլոր ֆիքսված ցանցեր զանգերի հնարավորություն,
  • 50 SMS կարճ հաղորդագրությունների հնարավորություն դեպի ՀՀ բոլոր բջջային ցանցեր,
  • 5 ԳԲ ծավալով ինտերնետ,
  • 5 բջջային հավելվածներ՝ առանց ինտերնետի տարիֆիկացման (Facebook, Messenger, WhatsApp, Telegram, Zangi)։

«Այս պահին հազարավոր կամավորներ միավորվել են մեր ժողովրդին աջակցելու ու օգնելու համար, և մենք, որպես այս երկրի մի մաս, չէինք կարող անտարբեր մնալ այս գործընթացին: Մենք ցանկանում ենք, որ միմյանց և կենտրոնի հետ կապի դուրս գալը խնդիր չլինի մեր քաջ կամավորների համար», - նշեց Հայաստանում Beeline-ի գլխավոր տնօրեն Անդրեյ Պյատախինը:

Հիշեցնենք, որ Beeline-ն իր ֆիքսված և բջջային կապի բաժանորդների համար անվճար է դարձրել առողջապահության նախարարության թեժ գծի 8003, 010550601, 060838300 և պարետատան թեժ գծի՝ 8141, 011208141 հեռախոսահամարները։

Վարակի տարածումը կանխելու նպատակով՝ մինչև ապրիլի 1-ը փակվել են բոլոր սպասարկման գրասենյակները, առցանց սպասարկման և առաքման համար գործում է 8202 հեռախոսահամարը: