Արամ Բարսեղյան

Արամ Բարսեղյանը Team Telecom Armenia-ի գլխավոր տնօրենն է, ինչպես նաև Ընկերության տնօրենների խորհրդի անդամ: Մինչև գլխավոր տնօրենի պաշտոնին նշանակվելը զբաղեցրել է ընկերության գլխավոր տնօրենի տեղակալի պաշտոնը:

Տարբեր ժամանակահատվածներում Բարսեղյանը ղեկավար պաշտոններ է զբաղեցրել նաև Icon Communications, Orange, UITExpo և այլ կազմակերպություններում։ Հանդիսանում է 2005թ. կայացած առաջին «Դիջիթեք Էքսպո»-ի կազմակերպիչներից մեկը:

Բարսեղյանը կրթություն է ստացել Երևանի պետական համալսարանում՝ Մերձավոր Արևելքի ուսումնասիրությունների ուղղությամբ։ 2005 թվականին սովորել է Կահիրեի համալսարանում՝ արաբերեն լեզվի ծրագրով։ Հետագայում ստացել է գիտական աստիճան Հայկական սփյուռքի պատմության ոլորտում։ 2016-2018 թվականներին սովորել է Շեֆիլդի համալսարանում՝ ստանալով Բիզնեսի կառավարման մագիստրոսի (MBA) աստիճան։ Մասնագիտական կրթություն է ստացել նաև WIFI Austria-ում՝ մարքեթինգի կառավարման ուղղությամբ։