Հայկ Եսայան

Հայկ Եսայանը Team Telecom Armenia-ի Տնօրենների խորհրդի անդամ է: Մինչև 2026 թվականի օգոստոսի 24-ը զբաղեցրել է Team Telecom Armenia-ի գլխավոր տնօրենի պաշտոնը:

Հայկ Եսայանը Team ընկերությունների խմբի համահիմնադիրն ու տնօրենն է: Նա, ավելի քան 20 տարի է, հեռահաղորդակցության և տեխնոլոգիաների ոլորտում է և ղեկավարել է հեղինակավոր ու նորարար ընկերություններ տելեկոմ և տեխնոլոգիական այլ  ոլորտներում:

Հայկ Եսայանը հիմնադրել և երկար տարիներ ղեկավարել է Ucom ընկերությունը: 2020 թվականին նա համահիմնադրել է «Թիմ» ՓԲԸ-ն, որը ձեռք է բերել Beeline Armenia-ի 100 տոկոս բաժնետոմսերը, ինչի արդյունքում Հայաստանի առաջին տելեկոմ ընկերությունը կրկին դարձել է հայկական:

Սկսելով տելեկոմ ոլորտից՝ Հայկ Եսայանի առաջնորդությամբ Team Group-ն այսօր ավելի քան 15 ընկերությամբ գործունեություն է ծավալում բազմաթիվ ոլորտներում՝ 4 երկրում:

Team ընկերությունների խմբի ամենախոշոր ընկերոuթյունը՝ Team Telecom Armenia-ն, Հայկ Եսայանի ղեկավարությամբ, 2023 թվականին դարձել է Հայաստանում տելեկոմ ոլորտի առաջին բաց բաժնետիրական ընկերությունը՝ իրականացնելով բաժնետոմսերի առաջնային հրապարակային տեղաբաշխում (IPO):

Հայկ Եսայանը սովորել է Հայաստանի պետական ​​ճարտարագիտական ​​համալսարանում, ունի մագիստրոսի կոչում։ Այնուհետև ավարտել է«ՄՖԲ» Ֆինանսական ակադեմիան՝ ստանալով տնտեսագետի որակավորում ֆինանսներ և վարկեր մասնագիտությամբ։